كازم ساهر گورانى پێشكهش به بهغدا و بهیروت دهكات
كازم ساهر هونهرمهندى ناودارى عێراقى له چالاكیهكانى ڤیستیڤالى "بهیت ئهلدین"دا چهندین گورانى پێشكهش به شارى بهغداى پایتهختى عێراق و بهیروتى پایتهختى لوبنان كرد . به پێی ههوالى ئاژانسى ڕۆیتهرز كازم ساهر لهم ڤیستیڤالهدا زیاتر له دوو كاتژمێر چهندین گۆرانى كون و تازهى خۆى پێشكهش به ئامادهبوانى ڤیستیڤالهكه كرد ، زۆربهى گورانیهكانیش له هونراوهى شاعیرى ناودارى سورى "نزار قهبانى" بوون .ههروهها ئاوازى ههموو گورانیهكانیش هى خۆى بوون . شایانى باسه ئهم ڤیستیڤاله له كوشكى بهیت ئهلدین كه به دورى 50 كیلۆمهتر دهكهوێته باشورى ڕۆژئاواى شارى بهیروت بهڕێوهچوو . 